رسالة من والدة شابين من الناصرة متهمين بالانتساب الى داعش

السلام عليكم ورحمة الله وبركاته 

بداية اعرف عن نفسي انا ام الشابان المتهمين بالقضيه الي انتشرت في وسائل الاخبار من يومين الي بتقول انهن متهمين بقضيه داعش انا ام عبدالغفار ومحمد سليمان بما انو انتو كنتو اول موقع بنشر الخبر ف المفروض الي قرأ الخبر بصحيفتكو يقرأ تعقيبي على الخبر وهاد حقي وحق اولادي طبعا بالنسبه للشباب كلهن المتهمين هني شباب عاديين طبيعيين بالاخلاق ما الهن سباق والحمد لله بالادب متعلمينو من الدين الي بامرهن بالمعروف والاحسان وانا بحكي عن كل الشباب مش بس ولادي وانو هاد اول سبب والمسبب لاتهامهن بهيك تهم انهن ولاد متديينين وبخافو الله وبحبو كل عمل خير وبمشو وبتعاملو بحسن الخلق وبادب وباحترام ولاد خير من اهل اخير والحمد لله مش ناقصهن ترباي ولا ناقصهن اي مورد هني بحاجه لالو عشان يعيشو بكرامه ولاد ما بتغضب الله وما تزعل اهل وما بتنكر تعب الاهل عليهن وهيك ولاد ما بتفكر بس بحالها وانما بتفكر بصغير وكبير العيله وما ممكن تسبب اذى لاي فرد بالعيله والمجتمع الي عايشين فيو لانو هيك تهم مش بس هني ممكن يتعاقبو عليها لا ولكن الاهل كمان راح يتدمرو من هيك اعمال وتهم ف من هون انا بقول لكل واحد بسال او مستغرب او مصدق انو يحكم عقلو ويفكر قبل ميصدق جهاز الامن شو بقول والتهم الي بدعيها وحطها ع ولادنا ولادنا هني شباب عاديين من بيتهن لشغلهن لبيتهن لشغلهن وانا مش مجبوره ابرهن او ابرر لاي قارئ كلامي بكفي اني وولادي صادقين وكمان حبيت اوضح انو بالنسبه لتهمة التأييد هي تهمه ما كانت وارده بالمره بالملف وانما كل الوقت الي هو تقريبا اربعين يوم او اكتر شوي من متوقفو الشباب ل تنو نشرو الخبر ووقتها بس عرفنا بهاي التهمه والي هي مش تهمتهن طبعا بعد مسمعت براديو الشمس انو الاخ فتحي محامي احد الشباب لما سالوه عن هاي التهمه الي هي تأييد داعش قال هاي التهمه هي موجهة لشخص واحد بالقضيه والي هو קטין وما نشرو عنو ولا اي خبر ولا سمحو لحدا يحضر محاكمو بحجة انو هو قاصر متلا ولكن سمحو لنفسهن يحطو تهمتو ع الشباب الي هني ولادنا وما الهن بهاي التهمه غير هيك هني بقولو انو قاصر رغم انو 18 سنه عمره واحمد بلال سليمان 18سنه عمره ف الاشي مش كتير مقنع الي بحكوه وبساووه وبالنسبه للتهم سالني مذيع براديو الشمس ليش ممكن انو جهاز الامن يتهم اولادك ليش هني شمعنا هني انا بحب اقول انو انت لما بتسال بتكون عارف مسبقا شو بدك تسال بس احنا بصدمه وما منعبر متل ملازم دايما ف انا بقلك انو مش بس ولادي الي اتهمو هيك تهم في كتير متل ولادي وانا كتير قابلت وتحدثت لاميات شباب الي هني بنفس الالم والهم الي انا فيو وكانو يقولو اخدو ابني الي هو زينة الشباب ولا بخرب ولا بساوي كل الي بغدر اقولو لانو متدين ومربي لحيه جهاز الامن عملها شغله كل واحد مربي لحيه وكانو مخططها انو هو خطر على الحياه ف هاي صارت مسخره وانا بفكر انو احنا اليوم مش زي اول لما طلعت داعش على الحياه الكل خاف وصدق وارتعب احنا اليوم اوعى من انو نصدق قصص جهاز الامن والتهم الي بخيطوها على كيفهن وانو داعش ماتت اختفت من الوجود ما الها اسم اس غير براس جهاز الامن للاسف ف انا ما بهمني شو التعليقات ولا شو الحكي الي بنحكى بس بهمني انشر فشل جهاز الامن الي ما ملاقي سيناريوهات جديده يعرضها للتمتيل لانو بحكي وبتخبط قاعد ومره بقول انو  لاقو اسلحه لما اخدو الشباب وهاد الحكي بتاتا فش منو لاقو بيتسا وين كانو الشباب قاعدين لانهن كانو قاعدين يتعشو صحتين وبعد هيك قالو الشباب اخدو قرض بدهن يشترو اسلحه طيب مبدنا نعرف من اي بنك ازا هني بستحرمو مصاري لبنوكه عشان بحرمو الربى ما دام هني شباب متدين ف كيف يوخدو قرض ووين مصرياتو هالقرض وانو يعني ما معهن سلاح طيب كيف بدهن يعملو ويحطو ويفجرو ويكسرو انا ما عندي اجوبه لهيك اتوجهو لجهاز الامن يوصح الصوره ويجاوب على كل سؤال بخطر على بال اي قارئ حابب يسمع الاجوه وانا بختم كلامي ب حسبي الله ونعم الوكيل الحمدلله رب العالمين